LáLára Hafliðadóttir er einn af þjálfurunum í „The absolute training“ en einnig þjálfar hún CBC hjólatíma, og er að vinna að rannsókn fyrir KSÍ. Lára sendi okkur skemmtileg fjölskyldu æfingu sem heitir Spilaleikurinn.
Spilaleikurinn
Ég tek þessa æfingu mjög oft þegar ég fer í frí, hvort sem það er upp í bústað eða erlendis. Uppsetningin er mjög einföld og það er hægt að breyta æfingunum að vild. Það er líka mjög skemmtilegt að taka þessa með öðrum aðila, maka eða börnunum jafnvel.
Eina sem þú þarft er: Spilastokkur
Hjarta: Hnébeygjuhopp (hnébeygjur)
Spaði: Planki – snerta sitthvora öxlina
Tígull: Armbeygjur
Lauf: Burpees (plankahopp)
Kóngafólkið:
Gosi: 30 sek 90 gráðu hnébeygjustaða upp við vegg
Drottning: 30 sek venjulegur planki eða hliðarplanki
Kóngur: 30 sek spretta á staðnum
Bónus: Ef þú tekur æfinguna úti er snilld að bæta við tveimur jógerum: 200-400 m hlaup
Aðferð: Þú dregur spil úr spilastokki sem segir til um fjölda og tegund æfingar sem þú gerir. Hjarta sexa væru þá 6 hnébeygjuhopp. Tígul fimma væru 5 armbeygjur. Laufa gosi væri 30 sek í 90 gráðum upp við vegg. Spilið sem þú dregur er svo tekið til hliðar. Æfingin er búin þegar þú klárar spilastokkinn.
Skölun:
Það er hægt að sleppa kóngafólkinu sem styttir æfinguna talsvert.
Æfingin án kóngafólksins er 100 endurtekningar af 4 æfingum.
Taktu tímann – skrifaðu hann niður – reyndu að bæta hann næst!
Góða skemmtun og endilega taggaðu mig á instagram ef þú prófar æfinguna @larhaf
Gangi þér vel!
